अमर कवि (Amara Kabi): Oriya Poem: Dr. Harekrishna Meher

Amara Kabi (Oriya Poem) 
By : Dr. Harekrishna Meher
= = = = = = = = 

अमर कवि (ओड़िआ कविता) 

रचयिता : डॉ. हरेकृष्ण मेहेर   
= = = = = = = = = = = = 

लेखिय़ाए य़ेते अमर कबि,
अपूरुब भाब

जागि उठे मने
अनुपम तार दिव्य छबि ॥
*
बिधातारु बळि

ताहारि सृष्टि
अद्‌भुत तार उद्‌भाबनी,
मूक-मुखे भाषा-

पीयूष झराए
पाषाण-अङ्गे सञ्जीबनी ॥
*
काव्याकाशे ता

बिकाशे नियत
बिमळ-बर्ण्ण बिबस्वान,
द्रबिय़ाए हेळे

कोटि तमिस्र
आसि हेले ताहा सन्निधान ॥
*
अति-मानबर

अति-मानसर
अतीन्द्रियर राष्ट्रपरे,
अबिरत सेइ

कबिर अमर
आत्मा बिहरे हर्षभरे ॥
*
सहज शकति

प्रतिभार बळे
क्रान्त-दरशी कबिर मन,
तार अनल्प

शिल्प-कळारे
ए त आदर्श निदर्शन ॥
*  
से शकति घेनि

गढ़ि उठे तार
नब्य भब्य काब्य-कळा,
तेणु बरेण्य-

गणे से गण्य
कृति ता निरत पुण्य-फळा ॥
*
जगते सत्य़ 

शिब सुन्दर
उपासना करे रूपाङ्कने,
प्राणे भरिदिए

पुलक-आलोक
सम्मोहि रस- उद्‌बेळने ॥
*
लेखिय़ाए केते अमर कबि,
कुसुम- कोमळ

लेखनीर मुने
निनाद‌इ शत दिव्य पबि ॥
= = = = = = 

* Amara Kabi  *

(In Odia Script) 

----------- 

* ଅମର କବି * 

    ରଚୟିତା : ଡକ୍ଟର୍ ହରେକୃଷ୍ଣ ମେହେର 

----------

   ଲେଖିଯାଏ ଯେତେ ଅମର କବି, 

ଅପୂରୁବ ଭାବ      ଜାଗି ଉଠେ ମନେ 

      ଅନୁପମ ତାର ଦିବ୍ୟ ଛବି । 

ବିଧାତାରୁ ବଳି            ତାହାରି ସୃଷ୍ଟି 

        ଅଦ୍ଭୁତ ତାର  ଉଦ୍ଭାବନୀ, 

ମୂକ-ମୁଖେ ଭାଷା-    ପୀୟୂଷ ଝରାଏ 

      ପାଷାଣ-ଅଙ୍ଗେ ସଞ୍ଜୀବନୀ । 

କାବ୍ୟାକାଶେ ତା      ବିକାଶେ ନିୟତ 

     ବିମଳ-ବର୍ଣ୍ଣ  ବିବସ୍ବାନ, 

ଦ୍ରବିଯାଏ ହେଳେ        କୋଟି ତମିସ୍ର 

     ଆସି ହେଲେ ତାହା ସନ୍ନିଧାନ । 

ଅତି-ମାନବର          ଅତି-ମାନସର 

    ଅତୀନ୍ଦ୍ରିୟର  ରାଷ୍ଟ୍ରପରେ, 

ଅବିରତ ସେଇ          କବିର ଅମର 

       ଆତ୍ମା ବିହରେ  ହର୍ଷଭରେ । 

ସହଜ ଶକତି         ପ୍ରତିଭାର ବଳେ 

     କ୍ରାନ୍ତଦରଶୀ କବିର ମନ, 

ତାର ଅନଳ୍ପ             ଶିଳ୍ପ-କଳାରେ 

    ଏ ତ ଆଦର୍ଶ  ନିଦର୍ଶନ ।

ସେ ଶକତି ଘେନି   ଗଢ଼ି ଉଠେ ତାର 

     ନବ୍ୟ ଭବ୍ୟ  କାବ୍ୟ-କଳା, 

ତେଣୁ ବରେଣ୍ୟ-    ଗଣେ ସେ ଗଣ୍ୟ 

       କୃତି ତା ନିରତ ପୁଣ୍ୟଫଳା । 

ଜଗତେ ସତ୍ୟ             ଶିବ ସୁନ୍ଦର 

      ଉପାସନା କରେ ରୂପାଙ୍କନେ, 

ପ୍ରାଣେ ଭରିଦିଏ    ପୁଲକ-ଆଲୋକ 

   ସମ୍ମୋହି ରସ- ଉଦ୍-ବେଳନେ । 

   ଲେଖିଯାଏ କେତେ ଅମର କବି, 

କୁସୁମ-କୋମଳ    ଲେଖନୀର ମୁନେ 

     ନିନାଦଇ ଶତ ଦିବ୍ୟ ପବି ।। 

======

(Included in ‘BANĀNĪ’, Anthology of Oriya Poems,
Published by Kalahandi Lekhak Kala Parishad, 
Bhawanipatna, Orissa, India. 2009)
* * * *