'Svasti-Haste ! Namaste' (Sanskrit
Poem)
By : Dr. Harekrishna Meher
(From * Stavarchana-Stavakam * Kavyam)
= = = = =
स्वस्ति-हस्ते ! नमस्ते (देवी-स्तोत्रम्)
रचयिता : डॉ.
हरेकृष्ण-मेहेरः
= = = = =
सम्मान्या स्वीय-नाम्ना महति जगति या
दुर्गते-र्नाशयित्री
दैत्यानां दारयित्री दर-दुरित-कृतां चण्ड-मुण्डादि-हन्त्री ।
चण्डी वै खण्डिताघा प्रहरण-निवहै-र्मण्डिताङ्गी प्रचण्डा
दुर्गे ! त्वं दुःख-दाहं कुरु भुवि कृपया लोक-कल्याणमार्गे ॥ (१)
*
आशीर्वादं प्रदेहि प्रणतजन-कृते सर्वदा शर्वजाया
रुद्राणी त्वं सुभद्रं वितर चिरदिनं
शक्तिराद्या सुविद्या ।
नित्या कात्यायनी त्वं दह कलि-कलुषं
कालिका कालरूपा
मूर्त्तिस्ते सौम्य-भीमा तिरयतु नितरां भीतिमातङ्कजालम् ॥ (२)
*
सिंहासीना सुहासा विदलित-महिषा
दिव्यभासा विभान्ती
मह्यां मोहादि-हन्त्री गणपति-जननी
मोहिनी माननीया ।
मन्दारै-र्मोदयन्ती रुचिर-हिमगिरे-र्नन्दिनी स्कन्दमाता
वन्द्या गीर्वाण-वृन्दै-र्हर
हर-दयिते ! स्वान्त-सन्तापजातम् ॥ (३)
*
हिंसा-द्वेषादि-वैरं क्षपयतु नियतं तेऽनुकम्पा प्रकामं
भक्ति-प्रेम-प्रसूनं प्रवितरतु जने
स्वस्ति-हस्ते ! नमस्ते ।
सौहार्दं हास्य-मोदं प्रदिशतु करुणा पावनी तावकीना
मध्येविश्वं सुराध्यं प्रसरतु सरसं
सांमनस्यं प्रशस्यम् ॥ (४)
*
सौन्दर्यानन्द-धात्री
त्वमिह सुमहिता वन्दनीया वदान्या
हे मातः ! प्रार्थनेयं
विनय-समुदिता पाद-पद्मे त्वदीये ।
सर्वान् दोषान् क्षमस्व
प्रशमय सदयं वेदना-दैन्य-भारं
बुद्धि-र्विद्या समृद्धि-र्विलसतु
सबलं सादरं ते प्रसादैः ॥ (५)
= = = = =
(Published as आवाहनी Slokas in
‘Bartika’ Famous Odia Literary
Quarterly,
Dasahara Special Issue, October-December 2018,
Dasarathapur, Jajpur, Odisha.)
= = = = =
Related Links :
Stavarchana-Stavakam : स्तवार्चन-स्तवकम् (स्तोत्र-काव्यम्)
Link :
* * *
Contributions of Dr. Harekrishna Meher to Sanskrit
Literature:
Link
:
Translated Kavyas by : Dr.Harekrishna Meher :
Link :
= = = =
=
No comments:
Post a Comment