ଶିବତାଣ୍ଡବ-ସ୍ତୋତ୍ର : ଓଡ଼ିଆ ପଦ୍ୟାନୁବାଦ * ଡକ୍ଟର୍ ହରେକୃଷ୍ଣ ମେହେର * SivaTandava-Stotra: Odia Version by Dr.Harekrishna Meher (Odia and Devanagari Scripts)

* ଶିବତାଣ୍ଡବସ୍ତୋତ୍ରମ୍ * 

ଓଡ଼ିଆ ପଦ୍ୟାନୁବାଦ : ଡକ୍ଟର ହରେକୃଷ୍ଣ ମେହେର 
----------

'Siva-Tandava Stotram' 
ODIA Metrical Translation by
Dr. Harekrishna Meher : 
(In both Odia and Devanagari Scripts) :
https://www.facebook.com/share/p/1ATcMxrY4q/

* 

SivaTandava-Stotram:
Odia Version Post in Odia Script:
Harekrishna Meher :
https://hkmeher.blogspot.com/2026/08/sivatandava-stotra-odia-version-by.html
------

*
SivaTandava: Original Slokas and Odia Version in Devanagari Script:
https://hkmeher.blogspot.com/2008/03/siva-tandava-stotra-oriya-version.html
****

*SivaTandava-Stotram*
---------- 
Posted here from Published Odia Book.
(Odia Version in Both Odia and Devanagari scripts presented here)
----------

* शिवताण्डवस्तोत्रम् (In Odia Script) * 
--------- 
* ଶିବତାଣ୍ଡବସ୍ତୋତ୍ରମ୍ * 
ଓଡ଼ିଆ ପଦ୍ୟାନୁବାଦ : ଡକ୍ଟର ହରେକୃଷ୍ଣ ମେହେର
(ରାଗ - ବଙ୍ଗଳାଶ୍ରୀ)
----------
(୧) 
ଜଟାରୂପୀ ବନୁଁ           ବିନିଃସୃତ ଗଙ୍ଗା-
             ନିର୍ଝରଣେ ପରିପୂତ ।
କଣ୍ଠଦେଶେ ନିଜ           ଲମ୍ବାଇ ବିଶାଳ
             ସର୍ପମାଳା ଅଦଭୁତ ।
ଡିବି ଡିବି ଡିବି            ଡମ୍ବରୁ ବାଇ ଯେ
           କଲେ ପ୍ରଚଣ୍ଡ ତାଣ୍ଡବ । 
ନିରତେ ଆମ୍ଭର           କଲ୍ୟାଣ କରନ୍ତୁ
         ସେ ପ୍ରଭୁ ପାର୍ବତୀଧବ ।। 

----
(୨) 
ଜଟାଜୂଟରୂପୀ         କଟାହରେ ବେଗେ
             ଭ୍ରମିତ ସ୍ୱର୍ଗଗଙ୍ଗାର । 
ତରଳ ତରଙ୍ଗ-          ଭଙ୍ଗୀରେ ରୁଚିର
        ଉତ୍ତମାଙ୍ଗ ଶୋହେ ଯାର ।
ଧକ ଧକ ଧକ               ବହ୍ନି ଜଳୁଅଛି
          ଯାର ଲଲାଟ-ପଟରେ । 
ସେ ଚନ୍ଦ୍ରମଉଳି        ଶିବଠାରେ ମୋର
           ମନ ରମୁ ନିରନ୍ତରେ ।। 

----
(୩) 
ଗିରୀଶ-ଜେମାଙ୍କ          ବିଳାସ-ବାନ୍ଧବ
            ଶିରୋମଣିର ଭାସ୍ବତୀ,
ଦୀପ୍ତିବଳେ ଦିଗ           ସମୁଜ୍ଜ୍ଵଳ ଦେଖି
            ପ୍ରସନ୍ନ ସଦା ଯା ମତି ।
ଯାର କୃପା-ଦୃଷ୍ଟି          ନିବାରଣ କରେ
           ଅଶେଷ ବିପତ୍ତି ଘୋର । 
ଏପରି କୌଣସି           ଦିଗମ୍ବର ତତ୍ତ୍ବେ
           ମାନସ ବିହରୁ ମୋର ।। 

----
(୪) 
ଜଟାଜୂଟଗତ             ସର୍ପଙ୍କର ଫଣା-
           ମଣିର ଆଭା ପିଙ୍ଗଳ । 
ଦିଗଙ୍ଗନା-ମୁଖେ       ବୋଳିଦିଏ ସୁଖେ
           କୁଙ୍କୁମ-ଲେପ ମଙ୍ଗଳ ।
ପ୍ରମତ୍ତ ହସ୍ତୀର         ଦୋଳାୟିତ ଚର୍ମ-
           ଉତ୍ତରୀୟେ ସ୍ନିଗ୍ଧ ବର୍ଣ୍ଣ । 
ଭୂତେଶ୍ୱର ଠାରେ      ଅଦ୍ଭୁତ ଭାବରେ
         ବିନୋଦ କରୁ ମୋ ମନ ।। 

----
(୫) 
ମହେନ୍ଦ୍ର ପ୍ରମୁଖ           ଦେବତା ସମସ୍ତ
           ପ୍ରଣାମ କଲେ ବିନୀତ ।
କିରୀଟରୁ ପୁଷ୍ପ-       ରେଣୁ-ପାତେ ଯାର
            ପାଦ-ପୀଠ ଧୂସରିତ ।
ନାଗରାଜ-ହାରେ          ବିଭୂଷିତ ଯାର
            ଜଟାଜୂଟ ପରିସର । 
ଚିର ଅଇଶ୍ୱର୍ଯ୍ୟ           ଦିଅନ୍ତୁ ସେ ପ୍ରଭୁ 
          ଶିବ ଶଶାଙ୍କ-ଶେଖର ।। 

----
(୬)   
ଲଲାଟ-ଅଙ୍ଗନେ            ଜ୍ୱଳିତ ଅନଳ-
          ସ୍ଫୁଲିଙ୍ଗ-ତେଜେ କିଞ୍ଚିତ । 
ପୁଷ୍ପେଷୁ କାମକୁ          ଭସ୍ମ କରିଛି ଯେ
            ସୁରପତି-ସୁପୂଜିତ । 
ସୁଧାମୟ ଚନ୍ଦ୍ର-             କଳା-ବିମଣ୍ଡିତ
          ମୁକୁଟରେ ଶୋଭାବନ । 
ବିରାଟ-ଲଲାଟ           ସେ ଶିବ-ମସ୍ତକ
          ହେଉ ଐଶ୍ୱର୍ଯ୍ୟ-ସାଧନ ।। 

----
(୭) 
କରାଳ ଲଲାଟ-            ପଟେ ଧକଧକ
            ପ୍ରକାଶି ଅନଳ-ଦ୍ୟୁତି ।
ପରଚଣ୍ଡ ବୀର             ପଞ୍ଚଶରକୁ ଯେ
           ଧ୍ୱଂସିଲେ କରି ଆହୁତି ।
ଉମା-ପୟୋଧରେ        ପତ୍ରଭଙ୍ଗୀ ପାଇଁ
             ଚିତ୍ରକର ଏକମାତ୍ର । 
ତ୍ରିନେତ୍ର ସେ ପ୍ରଭୁ      ଠାରେ ପ୍ରୀତି ଲଭୁ
           ମତି ମୋର ଦିବାରାତ୍ର ।। 

----
(୮) 
ନବ ମେଘମାଳା-         ଆଚ୍ଛାଦିତ ଘୋର
           ଅମାବାସ୍ୟା ତ୍ରିଯାମାର । 
ବ୍ୟାପକ ନିବିଡ଼              ଅନ୍ଧକାର ସମ
           ଶ୍ୟାମବର୍ଣ୍ଣ କଣ୍ଠ ଯାର ।
ଗଜଚର୍ମଧର                ଦେବ ବିଶ୍ୱମ୍ଭର
             ଚନ୍ଦ୍ରକାନ୍ତି-ସମୁଜ୍ଜ୍ୱଳ । 
ଦିଅନ୍ତୁ ସେ ହର             ମନ୍ଦାକିନୀଧର
            ସୁଖ ସମ୍ପଦ ମଙ୍ଗଳ ।। 

----
(୯) 
ବିକଶିତ ନୀଳ            ରାଜୀବ-ରାଜିର
           ଶ୍ୟାମଳ ପ୍ରଭା ସମାନ । 
କଳଙ୍କ ଛବିରେ             ସୁଚିହ୍ନିତ ଯାର
            କଣ୍ଠଦେଶ ରାଜମାନ ।
ମଦନ-ଦାହକ              ତ୍ରିପୁର-ନାଶକ
            ଭବଭୟ-ନିବାରକ । 
ଧ୍ୟାୟେ ଦକ୍ଷଯଜ୍ଞ-        ଗଜାନ୍ଧକ-ଧ୍ୱଂସୀ
           ଯମଭୀତି-ସଂହାରକ ।। 

----
(୧୦) 
ଗର୍ବ-ବିରହିତା              ପର୍ବତ-ଦୁହିତା
            ଶୋଭାରୂପୀ କଦମ୍ୱର ।
କଳିକା-ମଧୁର             ମକରନ୍ଦ-ଧାରା
           ଆସ୍ବାଦନେ ଯେ ଭ୍ରମର ।
ଭଜେ କାମଧ୍ବଂସୀ         ତ୍ରିପୁର-ବିନାଶୀ
            ସଂସାର-ବନ୍ଧ-ନିବାରୀ ।
ଦକ୍ଷଯଜ୍ଞ-ଗଜ-           ଅନ୍ଧକ-ସଂହାରୀ
              ଅନ୍ତକର ଅନ୍ତକାରୀ ।। 

----
(୧୧) 
ଅତ୍ୟନ୍ତ ଚଞ୍ଚଳ              ଭ୍ରମିତ ସର୍ପଙ୍କ
            ଫୁଫୁକାର ଶବଦରେ ।
ଲଲାଟର ଭୀମ         ଅଗ୍ନି କ୍ରମେ କ୍ରମେ
           ବ୍ୟାପେ ଯାର ମସ୍ତକରେ । 
ଧିମି ଧିମି ଧିମି               ମୃଦଙ୍ଗର ମନ୍ଦ୍ର
            ମଙ୍ଗଳ ନାଦ କ୍ରମରେ । 
ପ୍ରଚଣ୍ଡ ତାଣ୍ଡବେ          ବିଭୋଳ ଶିବଙ୍କ
           ଜୟ ହେଉ ସନ୍ତତରେ ।। 

----
(୧୨) 
ପାଷାଣେ ଆବର          ମଞ୍ଜୁଳ ଶୟନେ
           ସର୍ପେ ତଥା ମୁକ୍ତାହାରେ । 
ଅମୂଲ୍ୟ ରତନେ          ତଥା ମୃତ୍ତିକାରେ
          ମିତ୍ରେ ଅବା ଶତ୍ରୁଠାରେ ।
ତୃଣରାଶି ଅବା             ତରୁଣୀଗଣରେ
          ପ୍ରଜା ତଥା ରାଜାଠାରେ ।
ସମ ଭାବ ରଖି        କେବେ ବାମଦେବ
           ଶିବଙ୍କୁ ଭଜିବି ବାରେ ।। 

----
(୧୩) 
କେବେ ଅବା ମୁ‌ହିଁ          ନିବାସ ବିରଚି
           ସ୍ୱର୍ଣ୍ଣଦୀ-କୁଞ୍ଜ ଅନ୍ତରେ । 
ଦୁର୍ବୁଦ୍ଧି ଉପେକ୍ଷି           ମସ୍ତକରେ ଥାପି
            କରାଞ୍ଜଳି ବିନୟରେ ।
ବିଲୋଳ ନୟନେ         ସୁଲଲାଟ ଚନ୍ଦ୍ର-
          ମୌଳି-ପଦେ ରଖି ଲୟ ।
ଶିବ ଶିବ ମନ୍ତ୍ର            ଉଚ୍ଚାରି ବଦନେ
           ସୁଖେ ଯାପିବି ସମୟ ।। 

----
(୧୪) 
ଏରୂପେ କଥିତ           ଉତ୍ତମୋତ୍ତମ ଏ
           ସ୍ତବ ପଢ଼େ ଯେଉଁ ଜନ ।
ସ୍ମରଣ କରଇ            ଅବା ବର୍ଣ୍ଣଇ ସେ
           ରହେ ନିତି ଶୁଦ୍ଧ ମନ ।
ଅଚିରେ ଶଙ୍କର-     ଭକ୍ତି ଲଭେ ମୋଦେ,
            ନ ପାଏ ବିରୁଦ୍ଧ ଗତି ।
ପ୍ରାଣୀଙ୍କର ମୋହ       ନାଶ ଯାଏ ଯେଣୁ
          ଶିବେ ହେଲେ ଦୃଢ଼ ମତି ।। 

----
(୧୫) 
ପୂଜାଶେଷକାଳେ  ସନ୍ଧ୍ୟାବେଳେ ଯେ ବା
            ଦଶାନନ-ବିରଚିତ । 
ଏ ଶିବପୂଜନ-              ବିଷୟକ ସ୍ତବ
           ପାଠ କରେ ଶୁଦ୍ଧଚିତ୍ତ ।
ଶମ୍ଭୁ-ଆରାଧନେ          ରଥ-ଗଜ-ଅଶ୍ୱ-
            ସମ୍ପନ୍ନ ସତତ ସ୍ଥିର ।
ବିପୁଳ ଐଶ୍ୱର୍ଯ୍ୟ       ଲଭେ ସେ ସାଧକ
          ହର-ପ୍ରସାଦେ ଅଚିର ।। 

----
(୧୬) 
(ଅନୁବାଦକୀୟ ଉପସଂହାର)
ମହାଦେବଙ୍କର         ତାଣ୍ଡବ ଦର୍ଶନେ
           ବିମୁଗ୍ଧ ଲଙ୍କାଧିପତି । 
ବିରଚିଲେ ଶ୍ଲୋକେ     ଏ ଶିବତାଣ୍ଡବ
           ପ୍ରକାଶି ଦୃଢ଼ ଭକତି ।
ଇଂରାଜୀ ମସିହା        ଊଣାଇଶ ଶହ 
           ସତସ୍ତରୀ ନଭେମ୍ବର,
ସପତ ଦିବସେ       ଚନ୍ଦ୍ର ବାରେ ଏହା
           ଅନୂଦିତ ପଦ୍ୟାକାର ।
ପ୍ରଭୁ ବିଶ୍ବନାଥ        ଅନୁଗ୍ରହେ କାଶୀ
          ହିନ୍ଦୁ ବିଶ୍ବବିଦ୍ୟାଳୟେ,
ସଂସ୍କୃତ ବିଭାଗେ ଗବେଷଣା କାର୍ଯ୍ୟେ
          ରତ ମୁହିଁ ଏ ସମୟେ ।
କାଶୀବିଶ୍ଵନାଥ         ସର୍ବ ମନୋରଥ
          କରିବେ ଶୁଭେ ପୂରଣ । 
ଧ୍ୟାୟେ ହରେକୃଷ୍ଣ  ମେହେର ସେ ହର-
           ମଞ୍ଜୁଳ-ପଦ୍ମ-ଚରଣ ।।  

*******

* SivaTandava-Stotram * 

Odia Version by Harekrishna Meher 

(in Devanagari Script) 

------

* शिवताण्डवस्तोत्रम् * 

ओड़िआ पद्यानुवाद : डा. हरेकृष्ण मेहेर 

(राग - बंगलाश्री) 

---------- 

(१) 

जटारूपी बनुँ           बिनिःसृत गङ्गा- 

             निर्झरणे परिपूत ।

कण्ठदेशे निज          लम्बाइ बिशाळ 

            सर्पमाळा अदभुत । 

डिबि डिबि डिबि         डम्बरु बाइ य़े 

          कले प्रचण्ड ताण्डब ।

निरते आम्भर           कल्याण करन्तु 

            से प्रभु पार्बतीधब ।।

---- 

(२) 

जटाजूटरूपी                कटाहरे बेगे 

            भ्रमित स्वर्गगङ्गार । 

तरळ तरङ्ग-                भङ्गीरे रुचिर 

            उत्तमाङ्ग शोहे य़ार । 

धक धक धक          बह्नि जळुअछि 

             य़ार ललाट-पटरे ।

से चन्द्रमउळि             शिबठारे मोर 

             मन रमु निरन्तरे ।।

---- 

(३) 

गिरीश-जेमाङ्क     बिळास-बान्धब 

           शिरोमणिर भास्वती ।

दीप्तिबळे दिग       समुज्ज्वळ देखि 

            प्रसन्न सदा य़ा मति ।

य़ार कृपा-दृष्टि            निबारण करे 

            अशेष बिपत्ति घोर ।

एपरि कौणसि           दिगम्बर तत्त्वे 

             मानस बिहरु मोर ।।

---- 

(४) 

जटाजूटगत            सर्पङ्कर फणा- 

          मणिर आभा पिङ्गळ ।

दिगङ्गना-मुखे          बोळिदिए सुखे 

          कुङ्कुम-लेप मङ्गळ ।

प्रमत्त हस्तीर            दोळायित चर्म- 

          उत्तरीये स्निग्ध बर्ण ।

भूतेश्वर ठारे               अद्भुत भाबरे 

          बिनोद करु मो मन ।।

---- 

(५) 

महेन्द्र प्रमुख              देबता समस्त 

            प्रणाम कले बिनीत ।

किरीटरु पुष्प-           रेणु-पाते य़ार 

             पाद-पीठ धूसरित ।

नागराज-हारे             बिभूषित य़ार 

              जटाजूट परिसर ।

चिर अइश्वर्य़्य           दिअन्तु से प्रभु 

         शिब शशाङ्क-शेखर ।।

---- 

(६) 

ललाट-अङ्गने           ज्वळित अनळ- 

         स्फुलिङ्ग-तेजे किञ्चित ।

पुष्पेषु कामकु          भस्म करिछि य़े 

             सुरपति-सुपूजित ।

सुधामय चन्द्र-        कळा-बिमण्डित 

             मुकुटरे शोभाबन ।

बिराट-ललाट           से शिब-मस्तक 

            हेउ ऐश्वर्य्य़-साधन ।।

---- 

(७) 

कराळ ललाट-              पटे धकधक 

          प्रकाशि अनळ द्युति ।

परचण्ड बीर               पञ्चशरकु य़े 

         ध्वंसिले करि आहुति । 

उमा-पयोधरे               पत्रभङ्गी पाइँ 

             चित्रकर एकमात्र ।

त्रिनेत्र से प्रभु             ठारे प्रीति लभु 

           मति मोर दिबारात्र ।‌। 

---- 

(८) 

नब मेघमाळा-          आच्छादित घोर 

          अमाबास्या त्रिय़ामार ।

ब्यापक निबिड़          अन्धकार सम 

          श्यामबर्ण्ण कण्ठ य़ार ।

गजचर्मधर                 देब बिश्वम्भर 

        चन्द्रकान्ति-समुज्ज्वळ ।

दिअन्तु से हर            मन्दाकिनीधर 

           सुख सम्पद मङ्गळ ।।

---- 

(९) 

बिकशित नीळ           राजीब-राजिर 

          श्यामळ प्रभा समान ।

कळङ्क छबिरे          सुचिह्नित य़ार 

            कण्ठदेश राजमान ।

मदन-दाहक               त्रिपुर-नाशक 

            भबभय-निबारक । 

ध्याये दक्षय़ज्ञ-       गजान्धक-ध्वंसी 

           य़मभीति-संहारक ।।

---- 

(१०) 

गर्ब-बिरहिता              पर्बत-दुहिता 

           शोभारूपी कदम्बर ।

कळिका-मधुर           मकरन्द-धारा 

           आस्वादने य़े भ्रमर । 

भजे कामध्वंसी        त्रिपुर-बिनाशी 

          संसार-बन्ध-निबारी ।

दक्षय़ज्ञ-गज-          अन्धक-संहारी 

          अन्तकर अन्तकारी ।।

---- 

(११) 

अत्यन्त चञ्चळ       भ्रमित सर्पङ्क 

              फुफुकार शबदरे ।

ललाटर भीम           अग्नि क्रमे क्रमे 

            ब्यापे य़ार मस्तकरे ।

धिमि धिमि धिमि          मृदङ्गर मन्द्र 

              मङ्गळ नाद क्रमरे ।

प्रचण्ड ताण्डबे     बिभोळ शिबङ्क 

              जय हेउ सन्ततरे ।।

---- 

(१२) 

पाषाणे आबर            मञ्जुळ शयने 

           सर्पे तथा मुक्ताहारे ।

अमूल्य रतने             तथा मृत्तिकारे 

           मित्रे अबा शत्रुठारे ।

तृणराशि अबा              तरुणीगणरे 

          प्रजा तथा राजाठारे । 

सम भाब रखि            केबे बामदेब 

         शिबङ्कु भजिबि बारे ।।

---- 

(१३) 

केबे अबा मुहिँ           निबास बिरचि 

           स्वर्णदी-कुञ्ज अन्तरे ।

दुर्बुद्धि उपेक्षि            मस्तकरे थापि 

            कराञ्जळि बिनयरे ।

बिलोळ नयने            सुललाट चन्द्र-

           मौळि-पदे रखि लय । 

शिब शिब मन्त्र          उच्चारि बदने 

           सुखे य़ापिबि समय ।।

---- 

(१४) 

एरूपे कथित              उत्तमोत्तम ए 

           स्तब पढ़े य़ेउँ जन । 

स्मरण करइ             अबा बर्ण्णइ से 

            रहे निति शुद्ध मन । 

अचिरे शङ्कर-       भक्ति लभे मोदे, 

           न पाए बिरुद्ध गति । 

प्राणीङ्कर मोह        नाश य़ाए य़ेणु 

           शिबे हेले दृढ़ मति ।।

----

(१५) 

पूजाशेषकाळे       सन्ध्याबेळे य़े बा 

            दशानन-बिरचित ।

ए शिबपूजन-           बिषयक स्तब 

           पाठ करे शुद्धचित्त ।

शम्भु-आराधने         रथ-गज-अश्व- 

           सम्पन्न सतत स्थिर ।

बिपुळ ऐश्वर्य़्य         लभे से साधक 

           हर-प्रसादे अचिर ।। 

---- 

(१६) 

(अनुवादकीय उपसंहार)

महादेबङ्कर           ताण्डब दर्शने 

          बिमुग्ध लङ्काधिपति ।

बिरचिले श्लोके      ए शिबताण्डब 

          प्रकाशि दृढ़ भकति । 

इंग्राजी मसिहा        ऊणाइश शह 

            सतस्तरी नभेम्बर, 

सपत दिबसे           चन्द्र बारे एहा 

            अनूदित पद्याकार ।

प्रभु विश्वनाथ         अनुग्रहे काशी 

            हिन्दु विश्वविद्यालये, 

संस्कृत विभागे     गवेषणा कार्य़्ये 

            रत मुहिँ ए समये । 

काशीविश्वनाथ         सर्ब मनोरथ 

           करिबे शुभे पूरण । 

ध्याये हरेकृष्ण           मेहेर से हर- 

          मञ्जुळ-पद्म-चरण ।। 

======= 

Translation Date:
7 November 1977.
*
Book First Published in 1978
By Bani Bhandar, Brahmapur, Ganjam, Odisha.
Later on several editions published.
----------
Related Link :  (SivaTandava with Original Sanskrit Slokas):
http://hkmeher.blogspot.com/2008/03/siva-tandava-stotra-oriya-version.html
=======

Other Links : 

Biodata (English) : Harekrishna Meher :
http://hkmeher.blogspot.com/2012/06/brief-biodata-english-dr-harekrishna.html
*
Biodata: English (Web Version) :
https://hkmeher.blogspot.com/2012/06/brief-biodata-english-dr-harekrishna.html?m=0
------
Biodata (Hindi): Harekrishna Meher:
https://tapasvini-kavya.blogspot.com/2021/05/biodata-h

https://tapasvini-kavya.blogspot.com/2021/05/biodata-hindi-dr-harekrishna-meher.html 

*****