Wednesday, September 10, 2014

Welcome Song ‘Swaagatikaa’ स्वागतिका/Dr.Harekrishna Meher

‘Swaagatikaa’  
Sanskrit Lyrics and Tuning :
By  Dr. Harekrishna Meher
* *
स्वागतिका
(गीति-रचना तथा स्वर-संयोजना :
डॉ. हरेकृष्ण-मेहेरः)
= = = = = = = = =

स्वागतम्,  अभिनन्दनम्  ।  
गुरुजनेभ्यो  वन्दनम्  ।
गुरुजनेभ्यो  वन्दनम्,  अतिथि-जनेभ्यो  वन्दनम्  ।
सादरम्  अभिनन्दनम्  ।  स्वागतम्, अभिनन्दनम्  ।
सभाजनानां   सुभाजनानां   
पदार्पणं  वै  पावनम्  ।
स्वागतम्, अभिनन्दनम्  ।  
स्वागतम्, अभिनन्दनम्  ॥ (ध्रुवम्) 
*
सुप्रतिभायां  प्रकाशते,  सुधी-सभायां  विराजते  ।
इदानीन्तनं  पुण्य-चिन्तनं   तत्त्व-मन्थनं  प्रशस्यते  । 
शुभोपदेशं     नव-सन्देशं
कामयामहे  शोभनम्  ।  सार-गर्भमुद्‍बोधनम्  ।
इह सम्यग् दिग्‌दर्शनम्  ।  स्वागतम्  अभिनन्दनम्  ॥ (१)
*
विद्या महसां प्रकाशिनी,   दुष्कृति-तमसां विनाशिनी  ।
मण्डितासना  विज्ञ-मण्डली  नव-जिज्ञासा-विकाशिनी  ।
कृते समेषां   सधन्यवादं
कृतज्ञताया  ज्ञापनम्  ।  हार्द-भावना-वर्धनम्  । 
सादरम्  अभिनन्दनम्  ।  स्निग्ध-सुमधुरं  स्पन्दनम्  ।
स्वागतम्  अभिनन्दनम्  ।  भाव-सुगन्धं  चन्दनम्  ।
सादरम्  अभिनन्दनम्  ।  सभाजनेभ्यो  वन्दनम्  ।
स्वागतम्,  अभिनन्दनम्  ।  स्वागतम्, अभिनन्दनम्  ॥ (२) 

* * * * * * 

(From Sanskrit Kavya ‘Pushpanjali-Vichitraa’
of Dr. Harekrishna Meher)

* * * 

No comments: