Wednesday, October 6, 2021

श्रीनवदुर्गा-वन्दनम् (Sri-NavaDurga-Vandanam) : Dr. Harekrishna Meher

* SRI-NAVADURGA-VANDANAM * 
(Prayer to Goddess Sri-NavaDurga) 
By: Dr. Harekrishna Meher 
============== 
* श्रीनवदुर्गा-वन्दनम् * 
रचयिता - हरेकृष्ण-मेहेर: 
============== 
जगद्-वन्द्या नवदुर्गा देव्य: सुदिव्य-मातर: । 
आद्यं नुम: शैलपुत्रीं  द्वितीयं ब्रह्मचारिणीम् ।। (१) 
चन्द्रघण्टां तृतीयं च  कुष्माण्डां चतुर्थं तथा ।  
पञ्चमं स्कन्दमातरं  षष्ठं कात्यायनीं नुम: ।। (२) 
*
कालरात्रिं सप्तमं च  महागौरीं नुमोsष्टमम् ।  
नवमं सिद्धिदात्रीं च  सुभक्त्या प्रणता वयम् ।। (३) 
*  
प्रयच्छन्तु शुभं देव्य:  सम्पदां चानुकम्पया । 
यातु दुर्भावनास्माकं  भातु चाध्यात्मिकं बलम् ।। (४) 
*
तमो विनश्यतु चित्ते  दत्त मोदं हे मातर: ! 
युष्माकं चरणाम्बुजे  सप्रणामं भजामहे ।। (५)
आदिशक्ते ! भक्तप्रिये ! देवि दुर्गे ! नमो नमः। 
एकमेव स्वरूपं ते  नवधा परिकीर्त्तितम् ।। (६) 
*
शम्भोरर्द्धाङ्गिनी त्वं वै  मङ्गला सिद्धिदायिनी । 
प्रसादैस्ते श्रीसमृद्धि: सुखं शान्ति: प्रवर्द्धताम् ।। (७) 
क्षमस्व न: सर्वदोषं  दुष्टदैत्य-निपातिनि ! 
तव स्नेह-दृष्टिपात:  कष्टं हरतु सर्वदा ।। (८) 
*
यातु नाशं पापताप-दु:खशोक-रुजादिकम् । 
महायुधे ! महामाये ! स्वस्तिं देहि नमोsस्तु ते ।।(९) 
*
नवदुर्गा-वन्दनेयं  महादेव्या मुदावहा । 
कल्याणं तनुतां लोके हरतां कलि-कल्मषम् ।। (१०) 
============= 
(Included in * Stavaarchana-Stavakam * Stotra-kavyam) 
= = = 
YouTube Video Link : 
============= 

( Sanskrit Slokas in Odia Script) 
* ଶ୍ରୀନବଦୁର୍ଗା-ବନ୍ଦନମ୍ * 
ରଚୟିତା - ହରେକୃଷ୍ଣ-ମେହେରଃ 
============= 
ଜଗଦ୍-ବନ୍ଦ୍ୟା ନବଦୁର୍ଗା ଦେବ୍ୟଃ ସୁଦିବ୍ୟ-ମାତରଃ । 
ଆଦ୍ୟଂ ନୁମଃ ଶୈଲପୁତ୍ରୀଂ ଦ୍ବିତୀୟଂ ବ୍ରହ୍ମଚାରିଣୀମ୍।।(୧)  
ଚନ୍ଦ୍ରଘଣ୍ଟାଂ ତୃତୀୟଂ ଚ  କୁଷ୍ମାଣ୍ଡାଂ ଚତୁର୍ଥଂ ତଥା । 
ପଞ୍ଚମଂ ସ୍କନ୍ଦମାତରଂ  ଷଷ୍ଠଂ କାତ୍ୟାୟନୀଂ ନୁମଃ ।। (୨) 
କାଲରାତ୍ରିଂ ସପ୍ତମଂ ଚ  ମହାଗୌରୀଂ ନୁମୋଽଷ୍ଟମମ୍ । 
ନବମଂ ସିଦ୍ଧିଦାତ୍ରୀଂ ଚ  ସୁଭକ୍ତ୍ୟା ପ୍ରଣତା ବୟମ୍ ।। (୩) 
ପ୍ରୟଚ୍ଛନ୍ତୁ ଶୁଭଂ ଦେବ୍ୟଃ  ସମ୍ପଦାଂ ଚାନୁକମ୍ପୟା । 
ୟାତୁ ଦୁର୍ଭାବନାସ୍ମାକଂ  ଭାତୁ ଚାଧ୍ୟାତ୍ମିକଂ ବଲମ୍ ।। (୪) 
ତମୋ ବିନଶ୍ୟତୁ ଚିତ୍ତେ  ଦତ୍ତ ମୋଦଂ ହେ ମାତରଃ ! 
ୟୁଷ୍ମାକଂ ଚରଣାମ୍ବୁଜେ  ସପ୍ରଣାମଂ  ଭଜାମହେ ।। (୫) 
ଆଦିଶକ୍ତେ ! ଭକ୍ତପ୍ରିୟେ ! ଦେବି ଦୁର୍ଗେ ! ନମୋ ନମଃ । 
ଏକମେବ ସ୍ବରୂପଂ ତେ  ନବଧା ପରିକୀର୍ତ୍ତିତମ୍ ।। (୬) 
ଶମ୍ଭୋରର୍ଦ୍ଧାଙ୍ଗିନୀ ତ୍ୱଂ ବୈ ମଙ୍ଗଲା ସିଦ୍ଧିଦାୟିନୀ । 
ପ୍ରସାଦୈସ୍ତେ ଶ୍ରୀସମୃଦ୍ଧିଃ ସୁଖଂ ଶାନ୍ତିଃ ପ୍ରବର୍ଦ୍ଧତାମ୍ ।। (୭) 
କ୍ଷମସ୍ଵ ନଃ ସର୍ବଦୋଷଂ  ଦୁଷ୍ଟଦୈତ୍ୟ-ନିପାତିନି ! । 
ତବ ସ୍ନେହ-ଦୃଷ୍ଟିପାତଃ  କଷ୍ଟଂ ହରତୁ ସର୍ବଦା ।। (୮) 
ୟାତୁ ନାଶଂ ପାପତାପ-ଦୁଃଖଶୋକ-ରୁଜାଦିକମ୍ । 
ମହାୟୁଧେ ! ମହାମାୟେ ! ସ୍ଵସ୍ତିଂ ଦେହି ନମୋSସ୍ତୁ ତେ ।।(୯) 
ନବଦୁର୍ଗା-ବନ୍ଦନେୟଂ  ମହାଦେବ୍ୟା ମୁଦାବହା । 
କଲ୍ୟାଣଂ ତନୁତାଂ ଲୋକେ ହରତାଂ କଲି-କଲ୍ମଷମ୍।।(୧୦) 
======= 

Facebook Link :