Saturday, October 11, 2014

‘Ayaahi Devi’ (‘आयाहि देवि !’ Sanskrit Poem: Dr.Harekrishna Meher)

‘Ayaahi Devi’ : Invocation to Goddess Durga
[Sanskrit Poem by : Dr. Harekrishna Meher]
= = = = = = = = = =
आयाहि  देवि ! 
रचयिता :  डॉ. हरेकृष्ण-मेहेरः
= = = = = = = = = = = = = = 

आयाहि देवि ! जगतां परिपात्रि ! सौख्यदा
दुर्गे ! महेश्वरि ! मृगेश्वर-पृष्ठ-मण्डना ।
वन्दे सुरम्य-चरणाम्बुजमम्बिके  ! सदा
त्वं शङ्करी भगवती हर सर्व-सङ्कटम् ॥ (१)
*
दुर्नीति-खर्व-कबलै-र्वसुधा मलीमसा
कात्यायनि ! प्रमथिता व्यथितास्ति नीरसा ।
तामुद्धर त्वमिह वै शरण-प्रदायिनी
त्रायस्व देवि ! सुतरां तुहिनाद्रि-नन्दिनी ॥ (२)
*
आतङ्क-दुःख-विपदां हननी शुभङ्करी
त्वं सर्व-जीव-जगतां जननी सुधा-झरी ।
पाह्येव धर्ममखिलं शमनी दुरात्मनां
मातर्गृहाण सुमनोरचितां समर्चनाम् ॥ (३)
*
दुर्धर्ष-दानव-कुलं प्रबलं मदोद्धतं
ध्वस्तं कुरुष्व सकलं कलि-पङ्कमस्त्रिणी ।
रुद्रे ! त्वदीय-करुणा-सुरभि-र्महीयतां
विश्वोदरे त्वमसि नो दुरितापहारिणी ॥ (४)
*
शान्तिं प्रदेहि मुदितं हृदये सुपूजिता
सद्भावना च भुवने लसतु प्रभान्विता ।
त्वां शक्ति-रूपिणि ! भुवां प्रिय-भक्त-वत्सलां
दिव्यां च नौमि महतां सुनुतां सुमङ्गलाम् ॥ (५)

= = = = = =

(Published as Avaahani Slokas in ‘Bartikaa’, Odia Literary Quarterly,
Dasahara Special Issue, October-December 2014, Jajpur, Odisha)

= = = = = = 

No comments: